Кривичниот совет донесе одлука да се продолжи притворот за Митко Чавков.
Притвор е одреден и за Митко Пешев, Душко Лазаров, Горан Јошевски, Оливер Поповски, Оливер Радулов, Никола Митревски Кољо, Александар Василевски Нинџа, Вилијам Михајловски, Влатко Трајковски, Игор Југ, Мунир Пепиќ, Абдуљета Алими, Младен Додевски, Горанчо Ангеловски, Јане Ченто.
Поранешниот директор на БЈБ Митко Чавков е осуден на 18 години затвор за терористичко загрозување на уставниот поредок и безбедноста на земјата.
Судијката Добрила Кацарска во образложението рече дека Чавков бил носител на златната команда на 27 април и иако знаел дека толпата ја тресе оградата пред Собранието и влегува внатре, не дал наредба за интервенција на полицијата.
Неговиот адвокат Дуковски најави дека ќе поднесат жалба за пресудата, но и дека ќе се жалат и до Судот во Стразбур.
За истото дело, терористичко загрозување на уставниот поредок и безбедноста на земјата се осудени и Митко Пешов, Душко Лазаров, Горан Ѓошевски-Леви, Мунир Пепиќ, Јане Ченто, Влатко Трајковски Никола Митревски Кољо на по 15 години затвор, Вилијам Михајловски на 14 години затвор, Оливер Поповски на 13 години затвор, Игор Југ, Младен Додевски, Горанче Ангеловски на 12 години затвор, Александар Василевски Нинџа на 8 години и Абдуљфета Алими на 7 години затвор.
Оливер Радулов доби 10 години затвор за помагање во кривичното дело.
Игор Дурловски кој беше ослободен од обвинението затоа што според Кацарска иако тој бил во Собранието, не сторил насилство, не даде изјава.
Александар Василевски Нинџа најави дека ќе бара куќен притвор, истакнувајќи дека нема намера да бега и доколку му биде потврдена пресудата, ќе ја издржи казната во целост.
Вкупно сите обвинети заедно добија 211 години затвор за делото терористичко загрозување на уставниот поредок и безбедноста на земјата.