Приврзаници на Бранко Црвенковски се собираат пред седиштето на партијата да го покажат своето незадоволство од оставката на претседателот на СДСМ, јавува телевизијата 24 Вести.
Портпаролот на партијата Емилијан Станковиќ за НОВА вели дека стотина граѓаним односно членови на партијата во моментов се наоѓаат пред зградата на СДСМ на Бихачка.
-Стотина граѓани се овде, пред седиштето. Го скандириаат името на Црвенковски и од она што може да се чуе и разбере тие бараат тој да остане на позицијата претседател на партијата, вели Станковиќ.
Приврзаниците на сега веќе екс претседателот на СДСМ Бранко Црвенковски бараат тој да излезе и лично да им се обрати.
Во моментов за позицијата претседател на партијата се тркаат пратеникот Игор Ивановски Шема, градоначалникот Зоран Заев со поддршката на пратеничката Радмила Шеќеринска и Кире Наумов, екс директор на Агенцијата за разузнавање.