Чешкиот кошаркар Јан Весели е прогласен за МВП на сезоната во Евролигата. Во изборот учествуваа фанови и новинари од целиот свет чии гласови, во најголем дел, беа насочени кон играчот на Фенербахче.
Весели во оваа сезона има просек од 12,5 поени, 4,9 скока и 2,4 асистенции по натпревар што му донесоа просечен индекс на корисност од 17,9.
Фенербахче, и покрај тоа што го има МВП на сезона, нема да игра во утрешното финале во Виторија. Тимот на Жељко Обрадовиќ ја загуби турската пресметка во полуфиналето со Анадолу Ефес 73:92 и ќе мора да се помири со настап во мечот за бронзениот медал против Реал Мадрид (недела, 17.30 ч.)
Во финалето (недела, 20.30 ч.) ќе играат ЦСКА Москва и Анадолу Ефес.