Докажувањето на дискриминација во македонското судство е тешка и макотрпна работа. Досега се добиени само два случаи и тие се единствените воопшто добиени случаи на дискриминација во Македонија. И покрај добиените судски процеси, работите во пракса тешко се поместуваат од место.
Во оваа емисија ПРОЦЕС ќе ја видиме сторијата за Горан Милуновиќ кој откако го тужел Шаховскиот клуб во Сојузот на слепи поради престнување на работниот однос, откако го добил спорот, по враќањето назад се соочил со последици, не му била исплаќана плата и придонеси. Штета трпел и по поднесување на претставка до Комисија за заштита од дискриминација.
Двата судски процеси се водени од страна на Македонското здружение на млади правници. Во ПРОЦЕС разговараме со адвокатката која го водела овој судски процес, Јасна Оровчанец Аранѓеловиќ и Светлана Ќосева, асистент на проектот.