Завчера, на седница на Кривичниот совет на Основен суд Скопје 1 – Скопје, било донесено решение за продолжување на мерката притвор за четворица обвинети од акцијата Агент, во која е и поранешниот прв разузнавач Слободан Богоевски.
Мерката притворот е продолжена и за тројца обвинети- скопските адвокати Васко Томановиќ и Владимир Пешликоски, како и за уште еден обвинет кој се уште се води како недостапен за органите на прогонот.
Во меѓувреме, Јавното обвинителство за гонење организиран криминал и корупција поднесе обвинителен акт за сите оние што беа опфатени со акцијата наречена „Агент“, со која се теретат за продажба на државно земјиште.
Поднесувањето на актот доаѓа по четиримесечна истрага за препродажбата на државно земјиште со површина од 19.000 квадратни метри во непосредна близина на Спортскиот центар „Борис Трајковски“ во Скопје.
Обвинителниот акт се уште не е на правна сила, според наводите на македонските медиуми кои се повикуваат на скопскиот Кривичен суд. По неговата дистрибуција ќе почнат да течат роковите за жалба по актот што се однесува на обвинетите Слободан Богоевски, Васко Томановиќ, Владимир Пешликовски, Данела Трајковска, Ален Јегени и словенечкиот државјанин Митја Валич, а кои се товарат за кривични дела: перење пари и други приноси од казниво дело, фалсисификување исправа, употреба на исправа со невистинита содржина и злоупотреба на службената положба и овластување.
Инаку, Слободан Богоевски неодамна беше лустриран од Комисијата за верификација на факти.