Ни после два дена преговори нема договор за Кроација Ерлајнс: пилотите и стјуардесите и понатаму се на штрајк.
Најавуваат дека штрајкот ќе трае се додека Управата не ги исполни нивните барања.
А барањата на двата синдиката се доста едноставни: бараат задржување на правата од минатогодишниот колективен договор.
Марио Ивековиќ, претседател на Новиот синдикат, ги повика и останатите синдикати да се солидаризираат со колегите од Кроација Ерлајнс и да започнат штрајк.
„Ова е борба за работнички права“, рече Ивековиќ. Според него ќе им се придружат и вработени од Загребски холдинг.
Министерот за транспорт Синиша Хајдаш Дончиќ рече дека ако продолжи штрајкот ќе има откази.