Проф. д-р Беким Фетаjи е новиот ректор на државниот универзитет „Мајка Тереза“ во Скопје, тој денеска ја презеде функцијата од проф. д-р Изет Зеќири.
Во обраќањето при свеченото преземање на мандатот, Фетаи истакна дека ќе работи по примерот на нивниот патрон – Мајка Тереза: „Јас самата не можам да го сменам светот, но можам да фрлам камче во водата и да создадам многу бранови“.
Беким Фетаи е професор на Факултетот за информатички науки на УМТ и работи од неговото основање, а претходно има 17-годишно искуство како професор на Универзитетот на Југоисточна Европа во Тетово. Како што рече, добро ги знае состојбите и работата на Универзитетот „Мајка Тереза“ како негов проректор во два мандата и пред тоа декан на Факултетот на којшто предава.
Министерката за образование и наука Весна Јаневска му го честиташе изборот на Фетаји и му се заблагодари за успешната работа на досегашниот ректор Зеќири, а посочи и на поддршката што УМТ ја има од Владата.
Беким Фетаји е трет ректор од основањето на Универзитетот „Мајка Тереза“ во 2016 година, по Изет Зеќири и претходно Азиз Положани.