Отпуштените професионални војници по пошта испратиле препорачано писмо со кое бараат прием во бугарската амбасада во Скопје, а на кој сакаат да разговараат за нивно преминување во редовите на бугарската војска, потврди за НОВА, Илија Тодев координатор на отпуштените професионални војници.
-Ваша ексцеленијо, поради економската крзиата во која се најдовме, а која е последица од отпуштање од АРМ и негрижата од страна на државните органи, а посебно од Министерството за одбрана приморани сме нашиот живот и нашата кариера да ја продолжиме надвор од Македонија.
-Го доставуваме ова барање поради добивање бугарско државјанство и решевање на нашите егзистенцијални проблеми.
-Поради гореневедената фактичка состојба се надеваме дека ке најдете слободн термин во вашата преокупирана агенда за заендички да ги разгледаме можностите кои би ни ги понудиле за нашиот случај, се вели во писмото на отпуштените професионални војници до Бугарската амбасада.
Тодев потенцира дека голем дел од нив се решени да заминат во бугарската армија, пред се поради егзистенцијални причини. Тој вели дека очекуваат да седнат на маса со бугарскиот амбасадор и да се најде решение за нивниот проблем, кога не може со македонската власт.