Во Градската библиотека „Браќа Миладиновци“ денеска (12 ч.) ќе биде промовирана поетската книга „Крстна коска“ од Наташа Сарџоска. За најновата книга на Сарџоска ќе зборува Владимир Мартиновски, а стихови ќе интерпретира актерката Софија Настевска. Настанот ќе се одржи во спомен-собата на Миладиновци.
Наташа Сарџоска, родена 1979 година во Скопје, е поет, есеист, писател, литературен преведувач, полиглот. Ги објавила книгите поезија „Сина соба“, „Кожа“, „Тој ме повлече со невидлив конец“, „Жива вода“ во Македонија и „Pelle“ во Италија.
Нејзините песни се преведени и објавени на некоклу јазици и објавени во поетски антологии во Словачка и Германија. Ја има добиено наградата од Министeрството за надворешни работи на Италија за најдобар есеј во 2002 година.
Оваа поетска книга беше избрана меѓу петте најдобри книги во конкуренција за Националната награда за најдобра поетска книга “Браќа Миладиновци” на Струшките вечери на поезијата.