Протестен марш на падините на Водно- на кој се искажува загриженост од засиленото уништување на шумската вегетација во парк-шумата Водно.
Протестниот марш, кој е организиран она иницијатива на група граѓани под мотото ДА ГО СПАСИМЕ ВОДНО, почнa во 10.30 часот наутро од пред основното училите Кочо Рацин, од каде учесниците пеш или со велосипеди се упатуваат кон Средно Водно.
Вториот собирен пункт за учесниците е на Средно Водно во 11.30 часот, од каде групата се упатува кон месноста Марково Крувче по трим-патеката.
Третиот собирен пункт е на врвот на Водно во 13.00 часот.
Од собирот се упатува проглас до надлежните локални и државни органи, во кој се бара веднаш да се престане со урбанизацијата и безмилосното уништување на парк-шумата Водно, која за Скопје и Скопјани претставува најблиска оаза на чист воздух и спас од загадувањето, бучавата и урбаниот метеж.