Група граѓани од населбата Бутел 1 вечерва дојдоа на околу половина километар од местото каде што поддржувачите на ДУИ кампираат на камен темелникот за крстот која општината намерува да го гради во населбата. Граѓаните од македонска етничка припадност околу 7 часот навечер во група од околу 100 луѓе тргнаа кон местото на протестот на ДУИ за да го изрразат, како што велат, револтот поради опструкциите кои ги прават граѓани – Албанци против симболот на христијанството.
Од едната страна во опуштена атмосфера во шатори седат активистите на ДУИ, во средината има огромен кордон полицијаци од специјалните единици, и оклопни возила, а од другата страна се граѓаните Македонци. Оддалеченоста помеѓу двете групи е голема или околу половина километар бидејќи полицијата никому не му дозволува да се приближи. Од двете страни има не повеќе од стотина луѓе.
Нема судири, ниту посериозни инциденти, со исклучок на две три фрлени шишиња и неколку камења и повеќе пцоовки кои поради оддалеченоста остануваат да бидат чуени само од ушите на полицијата.
Сообраќајот блокиран на главната улица која води од Бутел кон населбата Радишани.