Илјадници Бугари во недела во Софија протестираа барајќи “крај на олигархијата” и оставка на владата и нови предвремени избори.
Над 4000 демонстранти се собраа пред влезот на владата во центарот на Софија со пароли дека и под 24 години од падот на комунизмот земјата не е ни стабилна, но добро раководена ни просперитетна.
Организатори на протестите се студентите кои веќе со денови ги опколуваат факултетите. Нивната акција започна пред пет месеци но новата влада не донесе стабилност и беше обвинета дека има врски во сомнителен бизнисмен.
Социјалистичката влада на Бугарија беше избрана во мај годинава откако претходната падна по долги протести.
Студентите кои протестираат бараат исто така промена во образовниот систем кој треба да развие, велат тие, “независни луѓе со критичка мисла” а не конформисти.
“Протестираме против сиромаштијата и невработеноста. Протестираме пред да станеме питачи со високо образование”, напишаа студентите во писмо.
Во Софија беше организиран протест со песни од времето на првиот анти-комунистички протест во 1989-1990 година.