Вечерва во 20 часот пред хотел „Бристол“ ќе се одржи протест поради самоволието и масакрот на паркот спроти старата железничка станица.
Граѓаните ги повикаа жителите на Скопје и сите кои не се согласуваат со уништувањето на зеленилото да се приклучат на протестот.
На локацијата се уште се наоѓаат активистите на организацијата „Одраз“ и на „Плоштад Слобода“ кои чуваа стража во неуспешниот обид да го заштитат паркот.
>> Јавноста жестоко реагира по сечата на дрвата пред х.Бристол
„Со денови и ноќи сме присутни на оваа локација, со истите пораки до владата – не му ги сечете белите дробови на нашето Скопје“, велат активистите.
Тие најавија дека повторно ќе го постават шаторот, на местото каде што треба багерите да копаат за да се постават темелите на зградата на Советот за радиодифузија во барок стил.