Со транспаренти: „Не си играјте со оган во Куманово“ и „Не ги чепкајте гласовите на Албанците“, „Патот за Европа води низ Куманово“ како и врзани македонски и албански знамиња носеа денеска на протестот граѓаните на Куманово.
Како што објавува Кумановоњус, граѓаните од Куманово, од сите националности се собрале на едночасовен протест пред зградата на Oпштината во знак на поддршка на градоначалникот Зоран Дамјановски.
Пред присутните се обрати шефот на изборниот штаб на СДСМ,Оливер Спасовски кој рече дека нема да дозволат, како што истакна, да се фалсификува волјата на гласачите кои во вториот круг му дадоа поддршка на Дамјановски.
Дамјановски потенцира дека треба да се почитува волјата на гласачите и посочи оти политичките опоненти поднесуваат 30 приговори, за, како што рече, ниту една забелешка во записниците.
Тој ги повика присутните на мирен протест кој ќе се одржи утре во 11 часот пред зградата на општината.
– Куманово денеска самостојно сака да протестира, ќе искажеме верба во институциите на системот, очекувам Државната изборна комисија и судските институции да судат според закон, а не според партиски наредби, рече Спасовски.
Протестите се последица на вчерашното одземање на избирачките списоци од 3 избирачки места од страна на истражен судија.
Ден после изворите ДИК објави дека во Куманово победи Зоран Дамјановски од СДСМ со освоени 50,77 проценти од гласовите пред Зоран Ѓорѓиевски од ВМРО-ДПМНЕ со 47,28 проценти.