Сметките за струја и поставувањето на новите струјомери од страна на ЕВН, се причина за незадоволство на жителите од Арачиново кои денеска околу пладне го блокираа патот што води кон селото.
Арачиновци се жалат дека не можат да ги платат високите сметки за струја поради високата стапка на невработеност во ова село . Особено се уплашени поради работите кои ги изведува ЕВН последните денови, бидејќи сметаат дека со поставувањето на новите струјомери ќе бидат директно исклучувани од централата.
Од ЕВН објаснуваат дека не го разбираат протестот на арачиновци. Од таму велат вршат модернизација на целиот систем за подобрување на снабдувањето со електрична енергија.
Поставуваме нови апарати , бандери, бидејќи тие самите се жалеле дека често паѓа напонот на струја.
-Веќе неколку дена работиме таму и се е во договор со Локалната самоуправа. Затоа зачудува денешната блокада. Не станува збор значи за исклучувања или акции, ако веќе има исклучувања тие се според предвидената динамика. Или поточно како за секој корисник така и за корисниците од Арачиново, ако навреме не ги платиле сметките и ако е поминат рокот и откако веќе еднаш се опоменати, по ова тие влегуваат во групата корисници каде што како последна мерка се применува исклучувањето“, велат за НОВА во ЕВН Македонија.
Жителите на Арачиново најавија дека ќе протестираат повторно во петок.