Во Тирана и Скадар, доцна попладне се одржаа протести во знак на подршка на Албанците во Македонија. „Скопје, срцето на Албанија“ „Еден народ еден сон“ се само дел од паролите на протестите кои беа најавувани преку социјалните мрежи.
На протестот во Тирана, одржан пред објектот „Пирамида“ присуствувал и европскиот шампион во бокс Нури Сефери, кого го нарекуваат „Албански Тајсон“. Тој посочил дека Албанците се мирен народ и не предизвикуваат омраза и дека треба да му се стави крај на насилството врз Албанците.
– Упатувам апел до Македонија да престанат малтетирањата врз албанскиот народ. Не не предизвикувајте, бидејќи албанскиот народ го сочинуваат 10 милиони обединети Албанци. Веднаш ќе се соберат, нема да седат со скрстени раце. Ние сме мирољубив народ, но доколку не предизвикаат ќе бидеме принудени да делуваме, рекол Сефери.
Тој побарал да реагираат властите во Албанија и Косово, како и меѓународниот фактор.