Десетици новинари денеска протестираа пред Министерството за внатрешни работи во Киев, бидејќи полицијата одби да го истражи нападот врз новинари за време на опозициски митинг.
Протестите уследија откако новинарката Олга Снитсарчук од телевизијата Канал 5 и нејзиниот сопруг Владислав Содел, фоторепортер за весникот „Комерсант“, беа нападнати од група млади, додека се обидувале да направат репортажа од судир меѓу групата и опозициски активисти за време на саботните протести.
Содел изјави дека на митингот во понеделникот неколку полицајци прво ги игнорирале неговите апели да се интервенира, а потоа гледале рамнодушно како новинарите биле фрлени на земја и удирани, оставајќи модринки на нивните лица.
„Не тепаа затоа што сме новинари. Ние бевме таму и снимивме се што се случува”, изјави Содел за АП.
Откако двајцата новинари се пожалија дека полицијата одбивала да интервенира во случајот, Министерството за внатрешни работи на Киев покрена истрага за расветлување на случајот.