Во Киев станува се подраматично. Демонстрантите кои протестираат на улиците на Киев против одлуката на претседателот да не го потпише договорот со ЕУ, вечерва се судрија со полицијата.
Според полцијата во судирите се повредени 67 лица. На 53 им била укажана помош на лице место додека на 14 мина морала да им биде укажана медицинска нега во болницата.
Според извештаите од теренот судирите со полицијата го радикализираат протестот,
Дестици илјади граѓани вечерва излегоа на главиот плоштад во Кивев.
Масовните протести во улиците на Киев започнаа пред речиси една недела кога опозицијата повика на мобилизација во знак на револт против одлуката на претседателот Виктор Јанукович да не потпише клучен договор со ЕУ, кој требаше да ја зголеми трговската размена меѓу двата партнери и да ја доближи Украина до Унијата, како и да се укине визниот режим за украинските граѓани.
Еден од условите на ЕУ беше да се изгласа закон со кој ќе се пушти политичката затвореничка Јулија Тимошенко на лечење во Германија.
Мнозинството во украинскиот парламент одби да го изгласа клучниот закон, по што претседателот јавно порача дека е под притисок на Москва да не потпише договор со Европа.
Оттогаш масовни протести ја тресат оваа стратегиска земја од источното соседство на Европската Унија.
Руската агенција ИТАР ТАСС јави дека претседателот Јанукович размислува да воведе вонредна состојба во државата поради последните случувања.
ЕУ ги повика демонстрантите да протестираат мирно, а полицијата да не употребува сила. Унијата е подготвена во секој момент да го потпише клучниот договор со Украина, штом претседателот Јанукович изрази волја за тоа.