Париз синоќа беше главната светска сцена на дипломатскиот балет околу Украина. Во Франција од синоќа се собрани светските државници како Барак Обама, Дејвид Камерон, Ангела Меркел но и Владимир Путин.
Францускиот претседател синоќа имаше средби прво со Обама а потоа се Путин.
Украинското прашање беше отворено синоќа на вечерата што за Путин ја организираше неговиот домаќин Оланд. Според шефот на француската дипломатија Лоран Фабиус, Оланд му рекол на Путин дека во Украина се случува практично војна и запрашал како може да се помогне да се воспостави прекин на огнот, како да се помогне на економски план и како да се реши конфликтот со гасот. Путин признал, вели Фабиус, дека тој може да има извесно влијание но не целосно. Тој потсетил дека за референдумот на Крим на 11 мај тој повикал оваа консултација да не се одржува во локалните власти не го послушале.
Претходно Камерон по телефон разговарал со Путин за да му каже дека треба да ја признае легитимноста на новиот украински претседател и да го посоветува да работат заедно.
Денес се сретнаа Путин и Меркел во Довил во Нормандија но информации од разговорот се уште не се објавени.
Досега нема најава за средба помеѓу Путин и Обама.
Во четвртокот вечерта Обама испрати порака до Москва велејќи дека ќе се види во наредните седмици што ќе прави рускиот претседател во врска со украинската криза. Обама предупреди дека земјите од Г7 се спремни, доколку руските провикации продолжат, да донесат нови мерки против Русија.
Од своја страна Путин изјави надеж дека “дека нема да влеземе во нова фаза на студената војна” и рече дека е подготвен за дијалог. Но истовремено тој ја критикуваше американската надворешна политика.
За време на Г7 средбата во Брисел, каде што Путин не беше поканет, државниците на седумте земји рекоа дека го осудуваат нарушувањето на суверенитетот и територијалниот интегритет на Украина и дека анексијата на Крим од страна на Русија има за цел дестабилизација на истокот на Украина. За нив овие акции се неприфатливи и мораат да сопрат.
На темата ЕУ ќе се наврати повторно на својот самит на 26 и 27 јуни.