Рочиштето за случајот „Пуч“ е одложено за 3.мај, откако Специјалното јавно обвинителство пред судот потенцираше дека тие сметаат дека нема услови за отпочнување на расправата.
Специјалната обвинителка рече дека тие не бараат одложување, туку нема услови за воведните обраќања бидејќи поканети се само Специјалното обвинителство и одбраната, но не и сведокот, за кој Јанева рече дека е и оштетен во случајот, и иако не беше објавено неговото име во судницата, се работи за екс-премиерот Никола Груевски.
Специјалното јавно обвинителство најави и жалба до Апелационен суд откако Основниот суд 1 одби да и предаде копии од списите кои се водат како докази со образложение дека тие се класифицирани.
Таа се сомнева дека судот не поседува сертификат за класифицирани информации којшто е потребен во овој случај, при што побара да и бидат презентирни сертификатите доколку судот ги поседува.
Судското решение и жалбата ги побара и одбраната меѓутоа судијата одби да им ги достави.
Веднаш по денешното кратко соочување во судницата, изјава за медиумите даде лидерот на СДСМ, Зоран Заев, кој е четвртиот обвинет во случајот, кој рече поради ваквото постапување на судот, меѓународната заедница апелира на реформи.
– Никаде во светот не постои суд којшто избегнува, одолговлекува и не сака да утврди правда. Ете зошто сениорската група на Прибе сугерираше Поглавје 23 и 24, реформи во правосудството. Еве зошто во договорот од Пржино стои реформи во правосудството. Ова го нема никаде во светот, освен најверојатно во Северна Кореjа. Затоа што под изговор на класифицирани информации, судот којшто не поседува сертификат за класифицирани информации, не го доставува предметот на Специјалното Јавно Обвинителство. Истотот Специјално Јавно Обвинителство коешто поседува сертификат за класифицирани информации, рече Заев кој дополни дека ова се право со цел медиумите да го претставуваат пред судовите непосредно пред изборите.
Во „Пуч“ се обвинети лидерот на СДСМ, Зоран Заев, Зоран Верушевски и неговата сопруга, како и порaнешниот вработен во тајната полиција Ѓорѓи Лазаревски, потоа Звонко Костовски, вработен во МВР, како и Бранко Палифров вработен во општина Струмица.