Папата Франциско денеска за првпат во приватна аудиенција ќе го прими рускиот претседател Владимир Путин. На средбата ќе се разговара за односите меѓу католиците и православните верници и за состојбата на Блискиот исток.
Москва отворено го изразува задоволството од тоа што папата Франциск ја „покрена кампањата против воено военото решение кога станува збор за решавањето на сириското прашање”.
Во септември Папата му испрати писмо на Путин, кој тогаш претседаваше со групат Г20, барајќи од него да се ангажира на меѓународно политичко решение за споменатото прашање без странска воена интервенција.
Поранешниот руски претседател Дмитриј Медведев во 2011 година во Ватикан имаше средба со папата Бенедикт Шеснаесетти.
Папа Јован Павле Втори во 1989 година имаше историска средба со тогашниот шеф на државата Михаил Горбачов, но не ја посети Русија заради отпор во Руската православна црква.