Никогаш не сме ги довеле во заблуда нашите потрошувачи, служејќи се со невистини велат во Здравје Радово откако НОВА ја објави веста дека Организацијата на потрошувачи на Србија предупреди на големо присуство на рибино и уште три вида раститетелно масло во сирењето „Кришка“.
-„Здравје“ Радово имало и порано и секогаш ќе има напади, но ние секогаш гарантираме за добриот квалитетет на нашите млечни производи, велат од компанијата.
Организацијата на потрошувачи на Србија ги предупреди граѓаните да одбегнуваат да го купуваат сирењето „Кришка“ додека не биде повлечено од рафтовите на маркетите на Идеа и Меркатор.
-Во кравјото меко сирење „Кришка“ на Здравје Радово се пронајдени дури 77 проценти на масти кои не се млечни. Производителот ги измамил потрошувачите наведувајќи во декларацијата дека во сирењето има полномасно кравјо млеко и јогурт, но никаде не пишува дека во него има палмино, кокосово, рибино и билно масло кои се пронајдени во испитувањата за квалитет на ова сирење се вели во соопштението на Здружението на потрошувачи.
Од таму потенцираат дека производителот бил должен на декларацијата да ги напише сите состојки кои ги содржи сирењето. Според Европската регулатива само производите кои не содржат ништо друго освен млечна маст можат да се декларираат и нарекуваат млечни производи.
-Ваков производ кој не ги задоволува критериумите за квалитет не може да се нарекува млечен производ бидеќи во себе содржи сосема други видови на масла велат во Здружението на потрошувачи на Србија.
Според информациите на НОВА дури 85 проценти од целиот извоз на млечни производи од Македонија во Србија се токму од овој домашен производител