По пребројани 86 проценти од гласовите, Социјалистичката коалиција предводена од Еди Рама убедливо води на парламентарните избори во Албанија. Иако официјално не е соопштена победата се поизвесно е дека досегашниот премиер Сали Бериша ја губи власта.
Според првичните резултати, опозициската коалиција „Алијанса за европска Албанија“ предводена од Социјалистичката партија на Еди Рама ќе однесе убедлива победа на изборите во земјата.
Левата коалиција води дури и во традиционалното упориште на владејачките Демократи на Сали Бериша, северна Албанија. Партијата на Рама може да добие 84 од 140 места во албанскиот парламент , а на демократите на Сали Бериша ќе им припаднат 56 места во парламентот.
-Ние очекуваме нашиот ривал да го прифати поразот и да ни се приклучи во големата победа за Албанија изјави денеска за Ројтерс 48 годишниот Рама.
Сали Бериша досега беше доминантна политичка фигура во Албанија по падот на сталинистичкиот ситем во 1991 година.
ЕУ очекува Сали Бериша мирно да ја предадат власта во длабоко политички поделената Албанија меѓу социјалилистите и демократите пренесува Ројтерс.
После убиството за време на изборите, како и низа нерегуларности, сега се очекува Бериша мирно да ја предаде власта што може да значи Албанија повторно да се врати на вистинскиот пат кон членството во Европската Унија