Генералниот секретар на НАТО, Андерс Фог Расмусен ги повика синоќа сите страни во Украина да се воздржат од насилства и употреба на сила во земјата, откако ескалираа демонстрациите во главниот град Киев и на двете страни имаше по педесетина повредени.
„Вечерта во Киев многу Украинци продолжуваат да ја искажуваат цврстата поддршка на поблиските односи со Европската унија. Народите насекаде имаат право да се изразат на демократски начин”, ја пренесуваат агенциите писмената изјава на генералниот секретар на НАТО.
„Ги повикувам сите страни по секоја цена да се воздржат од насилството и употребата на сила, кои не се добар начин за решавање на политичките спорови во демократско општество”, додава Расмусен.
Притоа ја повика Украина целосно да ги почитува меѓународните обврски кон слободата на изразувањето и собирите.
Претходно, Филе на својот профил на Твитер напиша дека „несогласувањата во Украина мораат да бидат решени на мирен начин“, барајќи итен дијалог.
Според специјалниот пратеник на Европскиот парламент за Украина, Александар Квашњевски „најлошата варијанта за земјата моментно би била вооружена акција на безбедносните сили, во која би се пролеала крв“.