Српската листа денеска соопшти дека нема да учествува на изборите што ги распиша Приштина за градоначалници на четири општини на северот, јави српската радиотелевизија.
„Со оглед на одлуката на Приштина за одржување вонредни локални избори на северот на Косово и Метохија, би сакале да ја информираме јавноста дека на овие избори нема да учествува Српската листа, ниту граѓаните кои ја поддржуваат нашата партија, од кои над 95 се во овие области“, се вели во соопштението на Српска листа.
Претседателката на Косово, Вјоса Османи, вчера најави дека на 18 декември ќе се одржат вонредни избори за градоначалници на четири општини на северот на Косово. Одлуката е донесена по консултации со претставници на политичките партии и Централната изборна комисија, на кои не учествуваа претставници на Српската листа.
На 5 ноември, градоначалниците на четири српски општини поднесоа оставки поради одлуката на Приштина за регистарските таблички.