„Хрватска до сега беше запад на истокот, никаде толку не беше истакната нивната западна култура како во таа земја“, стои во уредничкиот коментар на германскиот весник Берлингер Цајтунг. „Откако на 1 јули пристапи во ЕУ, стана исток на западот. Како што изгледа и таа улога одлучија да ја играат со еднаква самодоверба“.
Ова е само дел од коменарите на светските медиуми по исходот на вчерашниот референдум за бракот како заедница меѓу маж и жена во Хрватска – 65,87 отсто од гласачите заокружиле „За“, а 33, 51 отсто „Против“.
„За време на комунизмот тамошните закони често беа полиберални од Западот, а меѓу граѓаните веројатно имаше повеќе толеранција отколку во малограѓанската Западна Европа во повоениот период“, пишува во уредничкиот коментар на германскиот весник Берлингер Цајтунг насловен како „Исток на Западот“.
„Хрватите на референдумот ја поддржаа забраната за истополови бракови. Речиси 90 отсто од хрватската популација која брои 4,4 милиони луѓе кои се изјаснуваат како римокатолици, а црквата силно заговараше да се гласа „за“, објави Би-Би-Си.
Ал Џезира исто така потенцира дека Хрватите ги забраниле истополовите бракови под силно влијание на католичката црква.
Хрватска се врати на Балканот, длабока поделеност во „балканската држава“, „Католичкиот модел на брак успеа да влезе во Уставот на Хрватска“, ја објавуваат веста германските медиуми.