Бизнисменот Сеад Кочан,преку адвокатското друштво Никола Додевски, до НОВАТВ испрати барање за извинување за текст објавен на нашата Веб страна на 25 мај 2016 година.
Во текстот со наслов „На СЈО му текна: Под истрага расипништвото на барокно Скопје“, наведено е:
„За преместување на Цар Самоил државата платила неверојатни 2,5 милиони евра на фирмата „Трансмет“ на бизнисменот Сеад Кочан.
Вкупната исплатена сума од Град Скопје е точна (2,5 милиони евра), но во неа освен преместувањето на споменикот на Цар Самоил, влегува и изградба на површинска фонтана со реконструкција на тротоари на плоштад „Македонија“.
НОВАТВ му се извинува на сопственикот на „Трансмет“ за ненамерната грешка, ако му наштетила на неговиот углед и чест, како што вели во дописот до нашата редакција.