Регистриран прв случај на опасниот вирус ебола на територијата на САД во Далас, во државата Тексас.
Здравствените претставници во градот потврдија дека пациентот, чиј идентитет не се открива, е ставен во целосна изолација.
Тие веруваат дека пациентот се заразил со смртоносниот вирус во Либерија, пред да допатува во САД пред 11 дена.
Според директорот на тексашкиот Центар за контрола на заразните болести и за превенција, Томас Фраиден, човекот допатувал од Либерија на 19 септември, без никакви симптоми на вирусот. Четири дена подоцна веќе било потврдено дека човекот е заразен со ебола.
Заболениот не е дел од хумантарците кои помагаат во згрижувањето и негувањето на заразените лица во оваа африканска земја.
Американските власти трагаат по сите лица со кои болниот од ебола имал било каков контакт по пристигнувањето во САД.