Државниот завод за ревизија нотираше слабости во работењето на Уставниот суд. Според забелешките Уставен работел без програма за работа и внатрешна контрола, без сметководствена евиденција за набавка и издавање на материјали и заобиколување на Законот за јавни набавки, се вели во извештајот на ревизорите.
Според податоците утврдени од ревизијата на работењето на судот уставните судии решиле само 60 отсто од предметите а четириесет проценти од нив останале нерешни. Ревизорите во извештајот за работата на судот, посочува дека во деловникот нема рокови за конечно одлучување и завршување на постапките.
Ревизијата бара јасни критериуми за следење и оценување на ефикасноста во работењето на судиите. Ревизорите утврдиле дека Уставниот суд набавувал стоки и услуги без да ги применуваат одредбите од Законот за јавни набавки. Според овој Закон, судот без да спроведе постапка смеел да направи набавки до 12 илјади евра. Но спротивно на законот, Уставен потрошил двојно повеќе.
Ревизорите во извештајот за работата на Уставниот суд ја нотираат и одлуката, уставните судии да земаат бонуси на платата во висина од 35 проценти, кои ја донесоа самите со интервенција во Деловникот лани. Ревизијата утврдила дека нема изготвен акт за висинината и начинот на утврдување на додатокот на плата. Уставниот суд имал забелешки за извештајот но не им се прифатени со образложение дека се известувања. Во делот за високите бонуси, судот дообјаснил дека нема никаква уставна пречка судиите да земат плус 35 проценти или нивната плата со бонусите да достигнува и 2 илјади евра.