Рикер: Отворете дебата за предлогот на Нимиц
Заменик-помошникот на државниот секретар на САД, надлежен за европски и евроазиски прашања и поранешен амбасадор на САД во Македонија во Скопје ја уште еднаш ја потврди заложбата на Вашингтон за што поскора интеграција на Македоднија во ЕУ и НАТО.
Задоволни сме што посредникот Нимиц даде нов предлог и се надеваме дека ќе се искористи моментумот да се работи на него. Очигледно, процесот што ние го поддржуваме, продолжува. Потребна е волја и желба за напредок и да се има дијалог, не само меѓу лидерите туку и во јавноста – изјави Рикер.
Според него, дијалогот е потребен за да можат луѓето да разберат кои прашања се важни, бидејќи ова не е прашање на прифаќање или неприфаќање, туку прашање на ангажман врз основа на нешто што Нимиц може да го понуди во преговорите, што е потребно во секој случај.
Ова не е прашање на прифаќање или неприфаќање, туку прашање на ангажман врз основа на нешто што Метју Нимиц може да го понуди во преговорите, што е потребно во секој случај. Тоа е ист концепт како и со Косово и Србија. По прифаќањето на основниот начин како да се продолжи напред, во која насока за да влезат во посериозни разговори и преговори, со помош на ЕУ тие постигнаа договор и сега работат на имплементација. Ние бевме задоволни што амбасадорот Нимиц даде нов предлог и се надевавме дека ќе има иницијатива на која ќе се работи. Очигледно процесот е се’ уште тука и ние го поддржуваме овој процес, рече Рикер по средбата со премиерот Никола Груевски.
Рикер за време на престојот во Македонија се сретна и со претседателот Иванов, лидерот на СДСМ, Зоран Заев и градоначалничката на Тетово Тетута Арифи.
Филип Рикер во Скопје престојува како учесник на состанокот на Јадранската група.