Вклучувањето на ромските деца во образованиот процес се уште е голем проблем во Македонија. НОВА беше во основното училиште „Аврам Писевски“ каде што половината од децата се од ромска, а половина од македонска националност. Во училиштето велат дека секој септември имаат проблем со запишување на ромските деца, чии родители во борбата за гола егзистенција не размислуваат за вклучување на нивните деца во образовниот процес.
-Добар дел од тие ученици не се јавуваат на 1-ви септември иако претходно сме ги побарале во нивните домови. Ние одиме на терен да видиме во што е проблемот. Дел од нив го напуштаат школувањето заради социо-економската ситуација, некои од нив заминуваат во странство. После враќањето во земјата тие деца не го продолжуваат школувањето и с е препуштени на улицата, изјави за НОВА, Елизабета Солтировска психолог во ова училиште.
Љатифе Шиковска три години работела како медијатор во повеќе училишта. Таа била линк меѓу родителите, децата и училиштата и дел од 25-те медијатори кои биле подржани од проектот на ромскиот едукативен фонд од Будимпешта. Шиковска вели дека направиле револуција во однос на вклучување на ромските деца во образованието, а во исто време се бореле против дискриминацијата.
-Направивме револуција во заедницата бидејки очигледна беше потребата од такво нешто. Ромите не беа информирани за образованието, законите кои с е донесуваа и реформите што с е правеа во образовниот процес, ние им помогнавме како побрзо и полесно да ги вклучат децата во улиштата, изјави Шиковска.
Ромските медијатори престанале со својата работа во 2011 година кога завршил проектот. Во националната стратегија Министерството з а образование има предвидено нивно повторно вклучување во училиштата. Но, од тоа нема се уште ништо.
-Целта е медијаторите да влезат во рамки на Министерството за образование, да бидат финансирани од државата, да покажеме дека и од ромската популација може да има добри наставници, па и директори. Медијаторите помагаат во комуникацијата, да се елиминираат стериотипите, дискриминацијата, рече Ашмет Елезовски, извршен директор на НРЦ.
Планирано е во овој процес за почеток да бидат вклучени 4 до 10 медијатори, за до крајот на 2018 година да се вклучат сите 30 медијатори.