Ѕвездата на Јувентус, Кристијано Роналдо, моменто се наоѓа во карантин во родната Мадеира откако неговиот соиграч Даниеле Ругани е позитивен на коронавирус. Јувентус и Интер минатата недела го играа „Дербито на Италија“ без присуство на навивачи, додека Ругани целиот натпревар го преседе на клупата за резервни играчи.
Само неколку часа откако се дозна дека Ругани е позитивен на коронавирус, Интер објави дека ги прекинува сите активности и фудбалерите се пратени во изоалција каде ќе бидат тестирани на коронавирус. И целиот тим на „старата дама“ се наоѓа во изолација во Италија, а само првата ѕвезда на тимот не е во Торино.
Роналдо веднаш по дербито замина во родната Мадеира за да биде покрај болната мајка Долорес која неодамна доживеа мозочен удар. Португалецот нема намера да се враќа во Италија иако има дозвола од властите со својот приватен авион да слета во Торино.
Сепак, Роналдо ги известил челниците на екипата дека нема намера да се враќа во Италија се додека не се смири состојбата со епидемијата на коронавирусот, а исто така порача и да бидат суспендирани сите спортски натпреварувања низ целиот свет.
Италијанскиот олимписки комитет и Владата ги суспендираа сите спортски активности во Италија до 3 април.