Германскиот државен секретар за Европа, Михаел Рот со реакција за неофицијалниот документ (нон пејпер) на Јанез Јанша во кој наводно се повикува на прекројување на границите на Западен Балкан.
Тој денеска на Твитер напиша дека цртањето нови граници на Западен Балкан е опасен пат.
– Регионално помирување и соработка се клучни за мирот, демократијата и просперитетот. Цртањето нови граници е опасен пат, напишта Рот.
Тој со твитот го поддржа официјалниот став на Европска Унија за Западен Балкан дека треба да се работи на регионално помирување и соработка, а не на менување на границите.
Словенија е следна земја која во втората половина од годинава ќе претседава со Советот на ЕУ.