Американскиот државен секретар Марко Рубио изјави дека дејствијата на претседателот на Република Српска Милорад Додик ги поткопуваат институциите на Босна и Херцеговина и ја загрозуваат нејзината безбедност и стабилност, и ги повика партнерите во регионот да му се придружат на Вашингтон во спротивставувањето на ова „опасно и дестабилизирачко однесување“.
Рубио реагираше на последните изјави на претседателот на Република Српска, Милорад Додик, кој на 5-ти март потпиша указ за прогласување на неуставни закони, усвоени од Националното собрание на РС, со кои се забранува работата на Судот и Обвинителството на БиХ, Агенцијата за истраги и заштита, и Високиот совет на обвинителството на БиХ.
Уставниот суд на Босна и Херцеговина на 7-ми март донесе времена мерка и ја запре примената на овие закони.