Русија е одговорна за убиството на Александар Литвиненко, поранешниот руски агент, критичар на Кремљ, кој почина во Лондон од труење со полониум во 2006 година, соопшти денеска Европскиот суд за човекови права .
Пресудата покажа дека „Русија е одговорна за убиството на Александар Литвиненко во Велика Британија“.
„Судот конкретно утврди дека постојат силни наоди уште од почетокот дека, при труење на Литвиненко, Луговој и Ковтун дејствувале како агенти на руската држава“, се вели, повикувајќи се на имињата на двајцата руски агенти обвинети за убиството на Литвиненко.
Судот, исто така, одлучи дека руските власти „не спровеле ефективна домашна истрага способна да доведе до утврдување на фактите и соодветно на тоа, идентификација и казна на одговорните за убиството“.