Европскиот суд за човекови права донесе одлука акционерите на ЈУКОС да добијат обештетување од 1,86 милијарди евра по нивната тужба поднесена против Русија за незаконско одземање на сопственоста на компанијата, преку воведување фиктивни даноци и манипулирана продажба на нејзините клучни акции.
Руската нафтена компанија ЈУКОС банкротираше во 2006 година, а беше во сопственост на Михаел Ходорковски, некогаш најбогатиот човек во Русија, кој помина десет години во затвор откако беше осуден за измама и затајување на данок, а во декември минатата година беше ослободен.
„Русија ќе ги искористи сите правни средства против пресудата која налага 50 милијарди долари отштета да му исплати на поранешниот мнозински акционер на нафтената компанија Јукос“, изјави претходно министерот за надворешни работи Сергеј Лавров по одлуката на Меѓународниот арбитрарен суд во Холандија.
Судот после десет години донесе пресуда според која руските власти ја прекршиле Енергетската повелба на ЕУ при експлоатација на имотот после банкротот на Јукос 2003.
Русија освен отштетата, која е повеќе од половина помала од она што го бараа оштетените од судот (114 милијадри), според првата пресуда мораше да плати и вртоглави 65 милијарди долари судски трошоци.
Рокот за исплата на сите отштети е јануар 2015, после што ќе почне да се смета камата.