Светски познатиот баритон Дмитри Хворостовски од Русија ќе настапи на отворањето на годинешното 53. Охридско лето на 12 јули во Античкиот театар.
Oва беше соопштено на прес-конференција по повод годинешното фестивалско издание, Хворостовски ќе настапи во придружба на Оркестарот и Хорот на МОБт, под диригентска палка на Константин Орбелиан.
И оваа година сцените каде ќе се одржува фестивалот се Долни Сарај, Предворјето на Света Софија и Античкиот
Како посебен настан на годинешното „Охридско лето“ е најавен настапот на светската атракција, гудачкиот квартет „Бонд“ со целовечерниот гала-концерт што ќе се одржи на сцената на Античкиот театар на 27 јули.
Селекторот на драмската програма, Ѓорѓи Јолевски најави 11 театарски претстави од кои ги издвои: „Мизантроп“ од Молиер во изведба на Турскиот театар од Скопје, „Спортска претстава“ според текст на нобеловката Елфрида Јелинек во изведба на „Just a must“ театарот од Лондон, како и „Браќа Карамазови“ на Достоевски во изведба на дубровачкиот театар „Марин Држиќ“.