Обвинителството на Грузија започна истрага за злоупотреба на државни средства, откако грузиска телевизија го обвини претседателот Михаил Саакашвили дека платил ботокс третман во САД со државни пари, соопшти портпаролката на обвинителствово Хатуна Пашадзе.
Според документи објавени денеска од грузиската телевизија „Имеди“, Саакашвили потрошил над 11.000 долари државни средства за ботокс третман за време на посети на Њујорк во 2009 и 2011 година. Телевизијата тврди дека меѓу документите со кои располага има и фактури за плаќање естетски интервенции.
Пратеници од партијата на претседателот Саакашвили изразија сомневање во автентичноста на документите.
Истрагите, обвиненијата и апсењата на високи претставници на администрацијата на Саакашвили се зголемуваат по победата на парламентарните избори во декември на опозициската коалиција, предводена од милијардерот Биѕина Иванишвили.