Амбасадите на САД во Скопје и Софија преку заедничко соопштение го поздравија Договорот за пријателство, добрососедство и соработка меѓу Македонија и Бугарија, кој ги потврдува тесните врски помеѓу двете земји и демонстрира добра волја од страна на државите да ја зајакнат соработката во интерес на своите граѓани.
„Овој ангажман претставува охрабрувачки пример за решавање на спорните прашања меѓу соседите и за зајакнување на политичката стабилност и зајакнување на економскиот развој на Западен Балкан. Ги поздравуваме Бугарија и Македонија за овој историски, прогресивен чекор“, се вели во соопштението на двете амбасади.