За најновите случувања во процесот на решавање на спорот со Грција разговаравме со Агелики Спану, главен уредник на весникот FREE SUNDAY. Нашата колешка Агелики Спану го следи овој пр0оцес од самиот негов почеток во раните девеесети години.
НОВА: Дали се случува нешто ново во процесот што може да наведува дека овој пат може да се случи некаков прогрес во насока на изнаоѓање на решение за проблемот со името?
Агелики Спану: Во Грција преовладува мислењето дека до изборите кои кај вас се закажани во април тешко е да се очекува било каков напредок по ова прашање.
НОВА: Дали мислите дека сега постои зголемен интерес кај меѓународните фактори и особено САД да се изнајде решение за спорот?
Агелики Спану: САД но и Германија се заинтересирани да се најде решение бидејќи сметаат дека со тоа ќе се придонесе кон стабилизацијата на целиот регион. Имајќи ги во предвид актуелните и потенцијални ефекти од бегалската криза за целиот регион на Западниот Балкан постои загриженост тука во Атина дека некои фактори во пресрет на самитот на НАТО закажан за јули во Берлин ќе извршат притисок за изнаоѓање на брзо интегрирање на вашата земја во НАТО. Доколку прогрес не биде постигнат до тогаш тоа нема да биде во интерес на официјална Атина.
НОВА: Дали посетата на министерот Никола Поповски донесе нешто ново во однос на проблемот со името?
Агелики Спану: Посетата на Поповски не донесе новини во процесот но беше значаен чекор за почеток на нов развој. Исто така забележавме нов моментум барем овде во Грција. Министерот Коѕијас упати барање до парламентарните партии да поднесат свои предлози за решавање на спорот со името како и расправа за градење на мерки за доверба. Овој процес напредува позитивно и веќе имаме развиено добро ниво на комуникација помеѓу институциите од двете држави во однос на бегалската криза.
НОВА: Како се разбра во Атина забуната која се случи околу написот на Гардијан?
Агелики Спану: Немаме тука впечаток дека Груевски е заинтересиран да направи чекори нанапред за да се надмине спорот поради неговите националистички гледишта околу ова прашање. Исто така разбирливо е дека решението нема да се најде со пораки преку медиумите туку преку конкретни дипломатски активности.
НОВА: Дали во Атина постои надеж дека во услови на длабока политичка криза во каква што се наоѓа Македонија како и економската криза во која се наоѓа Грција можно е да се дојде до решение?
Агелики Спану: Кризите без разлика дали се економски или политички, ако имаат ефект врз бегалската криза или пошироко врз стабилноста на регионот, може да имаат спротивен ефект од оној кој го очекуваме Тие кризи може да придонесат кон интензивирање на разговорите. Како и да е нема верба во Атина дека Груевски е кредибилен соговорник
НОВА: Левичарската Сириза знаеме дека не е толку националистички ориентирана особено по прашањето на името за разлика од нивните претходници Неа Демократија и ПАСОК. Верувате ли дека владата на Ципрас е подготвена да направи прогрес по ова прашање?
Агелики Спану: Сириза владее заедно со популистчкиот АНЕЛ кој има големо влијание во надворешната политика. Тешко е за двете владеачки партии да постигнат компромис. Сепак чекори напред какви што ги спомнав се важни за Сириза која не се плаши од проблемот со името.