САД го обвинија Иран дека го поддржува меѓународниот тероризам, на ниво коешто не било забележано со децении, според американскиот Стејт департмент.
Во исцрпниот извештај за светскиот тероризам кој Стејт департментот го изготвува за Конгресот а достапност до него имаат и медиумите, американското министерство за надворешни работ не отстапува од линијата усвоена во претходниот извештај за 2012 година. Земјите кои се наоѓаат на „црната листа на Вашингтон” како оние коишто го поддржуваат тероризмот и натаму остануваат, Иран, Сирија, Судан и Куба.
Во текот на 2012 година дошло до зголемувањето на државната поддршка на тероризмот, сметаат САД, укажувајќи на либанската шиитска милиција на Хезболах поврзана со Иран, особено во војната во Сирија.
„Иранската терористичка активност и онаа на Хезболах дојдоа до ниво кое не е забележано од 1990 година, со атентати кои се подготвуваа во југоисточна Азија, Европа и Африка”, се наведува во извештајот на Стејт департментот, вбројувајќи го и атентатот од бугарскиот град Бургас во јули 2012 година кога загинаа шест израелски туристи кој му се припишува на Хезболах, како и плановите на Кипар и Тајланд.
Како и во извештајот за 2011 година, Стејт департментот оценува дека сржта на Ал Каеда е „на патот кон поразот”, благодарејќи на смртта на Осама бин Ладен, убиен во американската операција во Пакистан во мај 2011 година, и на акциите на беспилотните летала на границата меѓу Пакистан и Авганистан.
Куба, исто така, сé уште се наоѓа на американската црна листа на држави коишто го спонзорираат тероризмот. Иако во САД се водеа расправи за тоа дали треба Куба да биде оставена на овој список, Вашингтон ја обвинува Хавана дека е засолниште на колумбиските бунтовници, баскиските милитанти и американските пребзи. Двете земји, инаку, немаат официјални дипломатски однос.