Грчкиот премиер Андонис Самарас пред Обединетите нации не одговорил на прашање на МИА за неговата искреност и посветеност околу спорот за името.
Самарас, кој имаше средба со генералниот секретар на ОН, Бан Ки-Мун на прашање од МИА за искреноста на неговата посветеност кон спорот за името, не дал никаков одговор- и се свртел и заминал, пренесува агенцијата.
На средбата со Мун пак, од Самарас било побарано интензивирање на разговорите за конечно решавање на спорот за името, а ваквото нешто пред неколку недели го најави и грчкиот министер за надворешни работи, Евангелос Венизелос, според кого новата рунда на разговори меѓу двете страни ќе започне идниот месец.
Двајцата соговорници разговарале и за предлозите на медијаторот Метју Нимиц, кои тој ги достави до двете страни во април.
Покрај спорот за името, Самарас и Ки-Мун разговарале и за кипарското прашање, уште едно отворено прашање кое Грција го има со еден од своите соседи на регионот, а за истото се очекува да започне да преговара во октомври.