СДСМ повторно бара лично премиерот Груевски да излезе и да го објасни насилието кога со моторни пили и полиција, среде ноќ, го срамнија со земја паркот кај „Бристол“.
„Никакво оправдување не е дека со објектот што треба да никне на местото на уништеното зеленило, ќе се заштедело за кирии“, се вели во реакцијата од СДСМ. Тие прашуваат:
– Дали за Владата во Скопје не постоеше друга локација за барокното здание што сака да го подига освен меморијалниот парк за жртвите од земјотресот со дрвја стари 50 години?
– Дали секогаш кога граѓаните ќе имаат различен став од политиките на ВМРО-ДПМНЕ, власта ќе се пресметува со нив со специјалци и алфи, како што го направија тоа и на 24 декември со новинарите и пратениците?
>>Влада на РМ: Се грижиме за пошумување
„ВМРО-ДПМНЕ ја гази волјата на жителите на Центар кои на локалните избори јасно се изјаснија против проектот Скопје 2014.
Власта го продолжува луксузирањето за барок на сметка на елементарните потреби на граѓаните и животната средина“, велат во СДСМ.
СДСМ порачува веднаш да престане бруталноста и ароганцијата на ВМРО-ДПМНЕ со кои нанесува непоправлива штета.