СДСМ реагираат на говорот на премиерот Никола Груевски на Мечкин Камен одржан денеска по повод чествувањето на државниот празник Илинден. Од СДСМ коментираат дека говорот на премиерот покажак дека, според нив, нема надеж за очекувањата на големото мнозинство граѓани на Македонија кои сакаат да ја видат земјата во ЕУ и НАТО.
-Груевски на Мечкин камен, голем дел од својот говор посвети на величење на лустрацијата што ја спроведува оваа власт како механизам за пресметка со неистомислениците. Во ваквиот настап на премиерот препознаваме потреба за оправдување пред македонскиот народ за лустрациската политика што ја спроведува токму оваа власт, а која се претвори во разединувачка и поткопувачка за македонското национално ткиво, се вели во соопштението на СДСМ.
-Не водејки сметка за потребата од обединувачка порака и подавање рака како секоја сериозна власт, барем на овој ден, Илинден, како на партиски митинг, Груевски се реши и во овој говор да ја демонизира опозицијата, со низок партиски речник, на сметка на себевеличење. Со тоа, не одговори на обврската да настапи како премиер на сите граѓани на Македонија.
На крајот, премиерот Груевски се потсмеа и со политиките на ЕУ, квалификувајки ги нивните сериозни забелешки за судството и демократијата во земјава како провидно алиби. СДСМ изразува загриженост дека токму таквите, раскарувачки политики со светот одат во прилог на Грција, којашто оваа власт ја посочува за едиствена пречка на евро-атлантската интеграција на Македонија, соопштуваат од СДСМ.
На крајот СДСМ ги повикува сите граѓани на Македонија, да се обединиат околу идеалите на Илинден и АСНОМ.