Потпретседателот на СДСМ и член во работната група која ги решава останатите прашања поврзани со изборите, Дамјан Манчевски, пред Клубот на пратеници изјави дека СДСМ доставила предлог со кој смета дека многу лесно ќе се решат прашањата за медиумите и Избирачкиот список.
Имено како што информираше Манчевски, тие се подготвени да отстапат од своите забелешки во однос на методологиите за прочистување на Избирачкиот список доколку останатите партии ВМРО-ДПМНЕ, ДУИ и ДПА го прифатат предлогот за медиумите на меѓународната заедница односно на белгискиот посредник Питер Ванхауте.
– Прочистувањето на Избирачкиот список и реформата врз медиумите се основен предуслов за фер и демократски избори. Ако ова не е прифатливо за ДПМНЕ и останатите учесници во преговорите, тогаш тие не сакаат во Македонија да имаме фер и демократски избори, изјави Манчевски.
Во однос на предлозите за медиумите на ВМРО-ДПМНЕ, Манчевски вели тие апсолутно се неприфатливи, но не толку важно е што не се прифатливи за СДСМ туку за нив реагира и новинарската фела.
>> ЗНМ и ССНМ: Предлозите на ВМРО-ДПМНЕ брутален напад врз слободата на медиумите
>> Предлозите на ВМРО ДПМНЕ за медиумите спротивни на препораките на Прибе
Според Манчевски таквите предлози нема да го решат проблем и потребно е суштински да се реши овој проблем.