Менаџерот на Евертон, Дејвид Мојс потврдува дека на крајот од сезоната ќе го напушти клубот од Ливерпул со цел да го наследи Алекс Фергусон во Манчестер Јунајтед.
Во соопштението на официјалната веб страна на фудбалскиот клуб Евертон пишува:
„Евертон потврдува дека Дејвид Мојс ќе го напушти клубот на крајот од сезоната.
Менаџерот имаше средба со сопственикот Бил Кенрајт вчера навечер и му ја потврди желбата да го води Манчестер Јунајтед.
Претседателот, во име на клубот, би сакал да го изрази своето благодарение на Дејвид за масовниот придонес кој го има направено за Евертон од неговото пристигнување во март 2002 година. Тој беше прекрасен менаџер.
За време под неговото раководство на Гудисон Парк, Давид беше надлежен за тимот во над 500 наврати вклучувајќи четири европски кампањи.
Неговите последни 2 натпревари како менаџер на Евертон ќе бидат преостанатите против Вест Хем Јунајтед и Челзи во Премиер лигата.“
Како можен наследник на Мојс се наведува менаџерот на Виган, Роберто Мартинез.