Илјадници Палестинци денес бегаат од истокот на Газа по новите жестоки бомбардирања на Израел, јавува агенцијата АФП која прецизира дека многу жртви лежат на улиците но лекарската помош не доаѓа токму поради истрелитекои доаѓаат од Израел.
Портпаролот на службите за итна помош тврди дека најмалку 20 мртви лица, помеѓу кои и деца, се наоѓаат на улиците на Газа.
Израелската армија денес најави дека биле убиени двајца израелски војници во овие борби и со тоа билансот на жртвите се седум војнички животи.
Армијата исто така најави дека ќе ја засили својата офанзива на теренот која влегува во својот 13 ден и досега однесе 350 палестински жртви.
Со ова најверојатно се доведува во опасност прекинот на оган кој го предложи Египет. Хамас од своја страна им ги даде своите услови на Египет, Катар и Турција, на Арапската лига и на палестинскиот претседател Махмуд Абас.
Неделава Египет предложи прекин на огнот. Предлогот го прифати Израел но Хамас во отфрли барајќи претходно кревање на блокада на Газа, отворање на границата со Египет, ослободување на заробени Палестинци и уште неколку услови.
Хамас тврди дека не бил во тек со египетскиот предлог и дека за неговата содржина бил запознаен преку медиумите што воопшто не му се допаднало на ова исламистичко движење. Тие сакаат во прекинот на оган да се ангажираат Катар и Турција кои Хамас ги смета за сојузници. Минатата ноќ Хамас соопшти дека добил покана од Египет за средба во Каиро на која ќе се разговара за египетската иницијатива.
Во овој текст Хамас вели дека неговата позиција за египетскиот предлог е позната и дека движењето ја отфрла но истовремено е “спремен да соработува со секоја инцијатива на било која страна која би одговорила на специфичните барања на Палестина кои веќе се презентирани”.
.