По повод 30 години од основањето на светски популарната група „Симпли Ред“, лидвокалот Мик Хакнал и останатите повторно ќе се обединат на турнеја, што ќе биде нивниот прв настап по пет години.
– Ги сакам родендените, а овој е особено голем, изјави за Би-Би–Си Хакнл, додавајќи дека е вистински час за славење.
На турнејата, под име „The Big Love“, групата ќе тргне на 20 октомври идната година. Својот прв настап ќе го имаат во Данска, а потоа ќе одржат уште 35 концерти во осум земји.
Турнејата ќе ја завршат во декември со двоен концерт во Лондон.