Санкциите против Сбербанк по руската инвазија врз Украина беа воведени од САД, Канада и Велика Британија, но досега Европската Унија не ја вклучи оваа банка во листата руски банки кои се исклучени од банкарскиот систем СВИФТ.
Погодена од огромни финансиски санкции воведени како одговор на руската инвазија врз Украина, најголемата руска банка Сбербанк соопшти дека се повлекува од европскиот пазар, пишуваат руските новински агенции. Во соопштението од Сбербанк се наведува дека филијалите на банката се повлекуваат соочени со абнормален одлив на средства и закани по безбедноста на вработените.
Санкциите против Сбербанк по рускиот воен напад врз Украина беа воведени од САД, Канада и Велика Британија но не и од Европската Унија, која оваа банка не ја стави на листата за исклучување од глобалниот банкарски систем СВИФТ. Банката беше присутна во осум европски земји – Германија, Австрија, Хрватска, Чешка, Унгарија, Словенија, Србија и Босна и Херцеговина но нејзините европски филијали тешко ја одржуваа ликвидноста.
Синоќа банкарскиот регулатор на ЕУ најави отворање стечајна постапка за главната филијала на Сбербанк во Европа.
