Десетици патници се повредени, од кои 10 потешко, кога рано утрово се преврте автобус кај селото Рударе кај Куршумлија, доаѓал од Љубљана кон Косово.
Автобусот сообраќал на меѓународната линија Салзбург – Приштина, утрово во 06:40 часот излетал од патот, во близина на Рударе кај Куршумлија, изјавија од Српското Министерството за внатрешни работи.
Во автобусот имало 49 патници, голем е бројот на повредените, од кои еден дел бил пренесен во болница во Прокупље, додека другите добиле медицинска помош во амбуланта во Куршумлија.
Директор на здравствениот центар Куршумлија, Уранија Петровиќ изјави дека 10 лица се потешко повредени.
“Патниците претрпеле контузии на главата, градите, рацете, нозете, но има пациенти со фрактури кои се упатени на понатамошен третман во Клиничкиот центар во Ниш “, рече таа.
Додека агенциите известуваат дека има повредени 55 патници автобуси, РТС објави дека 32 лица беа повредени. Ниту еден од повредените патници не е во животна опасност.
Министерството за внатрешни работи изјави дека точниот број на повредени не може да се каже, додека не зашврши увидот кој е во тек.
На местото се упатени екипи на Брзата помош од Прокупље кои им помогнаа на колегите од Куршумлија и Ниш, при отстранување на повредените патници.
Според неофицијалните информации, до превртување на автобусот кој потоа излетал од патот, најверојатно дошло поради тоа што возачот заспал.